විදුහල්පති පණිවිඩය

 ඓතිහාසික දියතිලක පුර ගම් දනව්හි ජීවත් වෙන සුන්දර මිනිසුන්ගේ දුවා දරුවන්ට සිප් නැණ ලබා දෙමින් ලොවක් ජය ගන්නට මඟ කියන, ප්‍රදේශයේ සුවිශේෂී පාසලක් ලෙස දිය ජාතික පාසල හැඳින්විය හැකි ය.

ලක් මවට විවිධ ක්ෂේත්‍රයන්ගේ නිපුණයින් බිහි කරමින් ඉදිරියටත් ශ්‍රේෂ්ඨ දරු පරපුරක් බිහි කිරීමේ අරමුණ පෙරදැරිව ක්‍රියාත්මක වන මෙම පාසලේ
තතු ලොවට කියන්නට විශ්ව විසිරි වියමන සමඟ අත්වැල් බැඳ ගැනීමට මං විවර කරන්නට හැකියාව ලැබීම ගැන බොහෝ සතුටට පත් වෙමි.

තොරතුරු සන්නිවේදන තාක්ෂණයේ මහා පෙරළියක් සිදු ව ඇති මෙවන් අවස්ථාවක පාසල් දරු පරපුර අධ්‍යාපන කටයුතු ඉහළ නංවාලීමටත් පාසලේ කටයුතුවලට පිළිබඳ බාහිර සමාජයට පණිවුඩයක් ලබා දෙමින් පාසලේ සංවර්ධනයට  පිටිවහලක් ලබා ගන්නටත් මෙම වෙබ් අඩවියේ ඉහල මෙහෙවරක්
ඉටු කරතැයි මා අපේක්ෂා කරමි.

මෙම කටයුතු සාර්ථක කර ගැනීම සදහා උරදුන් සියලු ම දෙනාට මාගේ හෘදයාංගම ස්තූතිය පලකර සිටින අතර පාසල් දුවා දරුවන්ගේ යහගුණ
මෙන් ම අධ්‍යාපන කටයුතු දිනෙන් දින වර්ධනය වේවායි ප්‍රාර්ථනා කරමි.

.